Ny Zara og dei-bok!
Vil du vera ein proaktiv, uangripeleg, uanstrengt gem lese-på-senga-for-barnet-far, så sikrar denne boka deg kulturell kapital og kred på alle nivå. Her har du det som trengst i ein pakke: Ei NY Zara-bok! Etter nokre ekstrarunder på trykkeriet i april, er bok nummer to - "Misse-konkurransen" endeleg ute. Bloggaren og hipster-pappaen til Patrícia har laga til ein misse-konkurranse - på laurdag skal dei finne ut kven som er den finaste jenta. Men når far til Zara dukker opp som dommar ... well, there will be blood. Der ein fest å laga bok med Elisabeth Moseng, og stas å skriva for dei minste. Og for fedrene deira.
AUGUST 2017
Å snubla innom
ein av desse pittoreske, italienske småbyane som ligg så vakkert til at det gjer vondt. Her kor livet i all si uskuld har snegla seg av garde i århundre. Tause menn går rolig over torget med fiolinkassane sine. Menn som sit i skuggen og mumlar om små, kvardagslege ting, dei har ikkje større problem enn at dei har ein stein i skoen dei vil bli kvitt. Vennlege, ansiktslause framande som har pakka inn fisk og lagt utanfor døra mi på natta, enda det er drepande varmt. Det finst stader kor vondskap ikkje finst.
Inspirasjon
Vi forfattarar som skriv for barn og unge får støtt & stadig spørsmål om kor vi finn inspirasjon. Ofte er det ikkje måte på kor smålåtne og kvardagslege svar vi gir. Og kor vi deretter trivialiserer og alminneleggjer skriveprosessen for å ikkje risikera å krenka nokon. Sanninga er at skrivelivet er ein fest, og at inspirasjonen alltid kjem til oss som eit stort, magisk flæsh. Basta cosi. Her, til dømes, har den private fotografen min fanga den eksakte augneblinken eg fekk inspirasjon til å skriva bildeboka "Morfar må chippes".
Vladivostok, baby!
I september reiser "Julie (15)" til filmfestivalen IFF Pacific Meridian 2017 i Vladivostok. Stas!
JULI 2017
Til hausten
kjem to nye Kepler62-bøker. Sånn cirka oktober. Her er frå bok nummer fem,"Virus", av Timo Parvela. Illustrert av Pasi Pitkänen, som alltid.
For tre døgn sidan
gjekk eg på ein schmell. Eg hadde ein svak augneblink, og blei med på ein fjelltur for å bevisa eit eller anna. Slikt gjer eg aldri, eg ser fjellet som ein metafor for noko som er større enn oss. Dette har mennesket visst og respektert i tusenvis av år. Mount Everest, Fuji, Siggjo, Ulriken, Stromboli. Eg trur aldri det har vore meininga at vi faktisk reint fysisk skulle gå på desse toppane. Men i vårt store hovmod går vi no på fjellet døgnet rundt. Det er ikkje den topp eller nut som ikkje skal trakkast ned. Både av såkalla eventyrarar, forfattarar, eller ein førtini år gammal familiefar og FAU-leiar. Ein skal ikkje skjenda fjellet, slik folk spagat-hopper samstundes som dei smiler på toppen, mens kona tar bilde. Ei heller skal ein gå med ein kjekk liten sekk med medbrakt vatn frå Voss. Verken kvinner eller menn skal gå i sports-bh på fjellet. Ingen skal kle seg naken på toppen, sprika ut med armane, og etterpå leggja blottinga ut på digital plattform. Ungar skal ikkje virra rundt i busk og kratt og på tilrettelagt sti mens dei snapchattar. Det skulle aldri ha vore tilrettelagt sti. Og ingen burde ha ambisjoner om til dømes å vera den første til bestiga K2 kun iført bermudashorts osv. - alt for å "utfordra eigne grenser".
Men så trassa eg altså dette. Og fjellet stritta imot straks eg begynte å gå på det. Beina vart tunge, melkesyra steig for kvar bidige meter, hjarta banka urytmisk fram jernsmak i kjeften, og eg fekk etter kvart kraftig trekk i meg. Og då eg endeleg ikkje greidde ein meter meir, og sette meg ned, så eksploderte fjellet i eit flammande inferno. Kva gjer du her, din idiot, sa fjellet. Gå tilbake til kafébordet ditt, ta eit glas kvitvin til, og les Dante, sa fjellet. Gjerne den nynorske utgåva gjendikta av Sigmund Skard frå 1965, sa fjellet. Der kan du få utfordra eigne grenser. Og neste gong du krysser tregrensa, drep eg deg.
Lufta var så tynn at eg knapt greidde å nikka. Eg reiste meg, svimla, og snubla meg ned heile vegen i natta. Det var så vidt eg berga livet, og fant meg sjølv igjen i den mørke skogen. Eg vart dugeleg realitetsorientert om at eg lever i ei tid som ikkje vil ta inn at fjellet er ein metafor. Som Beatrice seie til Dante (fritt etter Skard): "Viss du på død & liv vil auka hjarterytmen, og hjarta ditt ikkje slår hardt nok når du ser meg, ta deg ein trippel espresso."
JUNI 2017
Ukraina Kunstdetektivene utgitt i Ukraina, og enda fleire unge som får ei søvnlaus natt ...
Stas
å bli plukka ut til Kortfilmfestivalen i Grimstad. Eg sat med sommarfuglar i magen mens "Julie (15)" blei avspelt framfor eit kresent publikum. Regi-debut for Mats Andersen og meg.
Veldig happy
med å bli utgitt i England, etter mi meining det vanskeligaste landet i verda å bli omsett til. Men eg er ikkje kjent for å sei "hurra", "tally-ho!" er meir presist her.
MAI 2017
Då eg var Festspeldiktar
i Aasen-tunet 2011, fekk eg ei kloning av sjølvaste Aasen-bjørka.
Eg lova Ottar Grepstad at eg skulle dokumentera at ho levde. Og her er ho, på 17. mai 2017. Snart klar til å begynna på skulen.
Kepler62
til Færøyane. Der har dei det bra!
Frå Danmark
fekk eg ganske nylig Det bliver pinligt uanset hvad. Språket mitt er alltid rocka opp og der, og her fann eg den gripande setningen på side 28: "Min pointe er, at man altid kan komme til at jokke i spinaten, som min mor også siger."
APRIL 2017
Påske
I midten av mars kom det brått over meg: I år skal eg prøva meg på det norske påskefjellet. Kvifor kan ikkje kompresjonsstillongs i meranoull bli eit satsningsområde, også i mitt liv? Eg leigde ei enkel, lita hytte på Gnurtejotnen, to par ski, ein Ulvang-genser og eit portabelt, lite høgdehustelt. Samt ein Nissan Pathfinder 4WD som hadde skiboks med innebygde varmeelement. Eg tenkte: Fantastisk å vera samla alle på atten kvadrat, utan straum og vatn. Den reine gleda ved å vaska opp for hand. Treng ein meir enn den gode samtalen - og brettspel? Men. Glitch i matrixen. Hytta var likevel ikkje ledig. Ein småbarnsfamilie frå Odda som kjente hytteeigaren betre, hadde brått og rått snike seg inn og stelt draumen, lengten og gleda mi. Påskefjell pulverisert. Som plaster på såret reiste eg til Cuba. Der sat eg med tvilsame solbriller til sju pesos og såg på havet, det uendelege, blågrøne havet. Og dei lange kvite, kvite strendene. I det stabile, stabile, stabile vêret. I min totalsyntetiske badeshorts med overkill blomemønster, var det ikkje ein sjans i det karibiske hav for å oppleva fjellheimens fryd med snø & slaps. Cuba gav meg berre lett knust is i ein mojito. I det linne palmesuset var Gnurtejotnen heile tida eit vondt avtrykk i kroppen, eit sukk og eit sakn - men eg har vel alltid visst det - påskefjellet kan aldri bli mitt. Det er viden kjent at Cuba ikkje kan kompensera for meranoull.
Verdas bokdag 23. april
Dette er den mest booka dagen i året for forfattarar. I år som i fjor var Tjensvoll skole i Stavanger tidlig ute med å booka meg.
5 av 5 stjerner!
På Norli Junior sine sider har 260 barn har gitt knall kritikk av boka mi Las Vegas-mysteriet. Denne er mest interessant: "jeg elsket boken men den suger hahaha". 5 av 5 stjerner.
Eg har skrivekurs
på Litteraturhuset i Bergen helga 18. og 19. mars. Nokon få plasser igjen, trur eg, i alle fall.
FEBRUAR 2017
Av og til
regner det så mykje på Vestlandet, at eg tar første & billigaste fly og reiser til sola, leiger ein liten leilighet og skriv der. Eg får tårer i augo når eg kan stå på den vesle balkongen min og sjå på den spanske himmelen dag etter dag etter dag - og den er blå, blå, blå.
På forfattarbesøk
på Biblio Tøyen. Iben Akerlie, superlesande barn og eg saman for livet i Bamse-Volvo.
JANUAR 2017
Premiere
på kortfilmen Julie (15) 31.1.17 under festivalen Filmfest på Bergen Kino. Dyktige Sari Sangolt spelte hovudrolla. Topp stemning og diskusjon etter filmen med Kalle Løchen som "moderator".
(Foto frå innspelinga)
Bildebokfestival
på Høyskolen i Vestfold. Stas å halda foredrag for eit stort, entusiastisk og kompetent publikum. Saman med Lisa Aisato Njie Solberg, Svein Nyhus, Svein Størksen og andre flinke folk.
God nytt år!
("The Rocket" eller "Fireworks on Hudson River". Oljemaleri av Edward Middleton Manigault, 1909.)
DESEMBER 2016
God jul!
Jul i Syria
i Marvin Halleraker sin strek. Ondskapen har ingen grenser, verken i går eller i dag.
Jesus var også på flukt.
Julebord
i agenturet til Linda Børnes.
Stas at juleheftet "Hellig jul"
blei utseld. Det gir meg eit lite håp om eit eller anna.
Kent
Svara rakt från hjärtat nu
Ditt medlidande kan jag vara utan
Om det här ska vara allt vi hann
Så håll mig hårt
Håll mig älskling nu.
Stockholm vaknar långsamt
På droger och på sorg
Snön hyr ut sin oskuld
till hela Kungsholms torg
J. Berg
(Stockholm 16.12.16)
Bokstaveleg talt Bokbad
på biblioteket heime på Bømlo. Klasse 9B på Bremnes Ungdomsskule hadde rigga ein bra scene, preppa godt, og mange intelligente spørsmål. Knallbra avslutning på ein travel, litterær haust.
Julehefte
Eg har skrive ei novelle i "Hellig Jul", eit vakkert julehefte som ønskjer å halda fram kva jula eigentleg feirar. Stas å vera med på dette.
Laaaangt
intervju med meg om gjøn og humor i "Prosopopeia", tidsskriftet til Litteraturvitenskap på Universitetet i Bergen. Eg veit ikkje akkurat om lesarane klaskar seg på låret når dei les dette.
NOVEMBER 2016
Når ljoset er tent i rådyrhovudet
og plastjuletreet likeeins, då er det jol også på kontoret. Bialetti-kanna står på colabordet, med raud og grøn pyntestripe, tilfelle nokon går feil, og treng kaffi. I tillegg ventar også kan hende ein original Bixit-kjeks med 36 % havre.
Kunstdetektivene
er seld til Ukraina, og blir trykt på både ukrainsk og russisk.
Kepler62-serien
er no seld til Tsjekkia. Eit pittelite, lunt smil i kvardagen.
Høgskulen på Stord
dramatiserte boka til Lars Elling og meg Forteljinga om jakta på forteljinga under Falturiltu-festivalen nylig. Veldig kult, scary på den gode måten.
Siste Bokbad
Agnes Ravatn og eg fekk æra av å ha det siste bokbadet i Bømlo Kulturhus med konseptet Bok og Jazz. Men eg håpar dei ikkje droppar verken bok eller jazz i tida framover.
(Foto: Bømlo-Nytt)
Søndag 6.11
startar Falturiltu-festivalen på Stord. Er du ikkje der, går du glipp av mykje. No er det laurdag, og festivalkaka er allereie oppeten av ungane.
SILK Litteraturfestival
i Skudeneshavn er ein av dei festivalane som ein absolutt ikkje må takka nei til. Eg hadde forfattarbesøk der no i helga - knall program, raust opplegg, utruleg velorganisert, tid til å treffa folk og forfattarar - og verdast beste Green Room.
OKTOBER 2016
Hæppy Halloween!
Dessverre berre eit bilde frå fjorårets fest. I år er det berre nostalgi & regn. Ingen ungar i heimen å laga ein scary fest for. Og ungane i nabolaget vågar seg ikkje ut, ikkje på grunn av Killer Clowns, men i fare for at regnet vaskar vekk fargen på Batman-drakten. Eg har omfamna Halloween sidan det såkalte fenomenet heldigvis dukka opp i Norge òg. Neste år ...
Endeleg
heng verda saman litt. Istanbul-mysteriet er no komme ut nettopp i ... Istanbul.
Kepler62-lansering
på frukost-tv og bokmesse i Helsinki. Eg var så dautrøtt at sminkedama måtte smørja kraftigt på. Eg var eit stort, statisk smil heile dagen.
Filmen vår "Bakkekontakt"
er tatt ut til programmet til KinoKino sin kortfilmfestival i Sandnes no i oktober.
Kunstnaren
Toulouse Lautrec sin by Albi, Frankrike. Her er også den største samlinga av arbeidet hans.
2 nye Kepler62-bøker lansert! Reisen og Pionerer er no ute i bokhandelen.
(Reisen)
(Pionerer)
På litteraturfestival
i Tromsø. Her på ein dags miniturné med bokbussen. Stilt og fint ein tidlig morgon.
SEPTEMBER 2016
Falturiltu
Verdas største nynorske barnebokfestival, har no lansert programmet sitt. Og eg er festspeldiktar no når festivalen er 10 år. Her er Roald Kaldestad og eg i rosa-svart emo-humør. Det rosa slipset fekk eg i si tid av Muffe eller Gækki.
Sjekk falturiltu.no for meir fæcts.
(Foto: Sunnhordland)
Nye Kepler62-bøker
Bok nummer 3 og 4 i Kepler62-serien er sendt til trykk i dag. Kjem ut tidleg i oktober. Juhu.
Timo Parvela har skrive bok nummer 3: "Reisen". (ISBN: 9788293323112)
Eg har skrive bok nummer 4: "Pionerer". (ISBN: 9788293323129)
JULI 2016
Me lagar kortfilm
i lysets Magic Hour.
JUNI 2016
Me har laga
ein liten teknisk-gotisk sommarfilm om forelsking og rødming. Nils Johan Lund har animert, eg har produsert og skrive manus. Tomtom har laga lyd, og Myrna Braza si vidunderlige stemme bind det heile saman.
Blei invitert
på nyskrive Mostraspel, som sjølvaste Tindberg står bak. Veldig bra, og kult å sjå gamle kjenningar, både kvinner og menn, med meir eller mindre heilskjegg.
Hovudgrunnen til at eg reiste var likevel foredrag då Maria Parr fekk den gjeve Tora Mostrastrong-prisen. Både Maria og eg vart vel teken imot av bømlingane.
To gutar som høyrer meg lesa på Tynset bibliotek, på eit av skuleårets siste forfattarbesøk.
Skikkelig preppa før eg kjem:
MAI 2016
Nå på spansk og katalansk!
Oulu!
På veg til Oulu - i Finland! Skal ha ein bønsj med foredrag og forfattarbesøk, men etter å ha sett dette bildet, har eg trua på fritida òg.
Jeg nød den virkelig ...
"Jeg har lige vendt den sidste side i Det bliver pinligt uanset hvad, og jeg nød den virkelig. Det er sådan en bog, der fortjener at få meget mere opmærksomhed, end den gør." - frå bokbloggen boghjoernet.dk.
(Frå "Bømlo-nytt", klikk på bildet for full størrelse)
Kepler62-serien
seld til Frankrike og Færøyane:
Finnish-Norwegian book series takes off around the globe
The story, accompanied with fascinating illustrations, begins with a video game and evolves into a space adventure, questioning many aspects of modern society.
The translation rights to the six-part space adventure book series Kepler62, created by Timo Parvela and Pasi Pitkänen from Finland and Bjørn Sortland from Norway, have been sold to the French publishing house Éditions Nathan.
“We fell in love with the modernity of the series and the fact that the story begins with a video game and evolves into a space adventure, not to mention its fabulous illustrations,” says Cécile Verdierfrom Éditions Nathan.
According to Verdier, Kepler62 was a perfect find, as Éditions Nathan has especially been looking for richly illustrated books that are easy to read yet thrilling. Verdier is full of praise for Pitkänen’s artwork in particular: “The illustrations with their beautiful colours and rhythm add strength and amazing originality to the story.”
The first parts of the adventure that addresses many of the topics current in today’s society were published simultaneously in Finland and in Norway in autumn 2015. The four remaining instalments will be published in 2016–2017.
The Kepler62 book series has previously been sold to South Korea, Faroe Islands, Hungary, Turkey and Estonia.
MARS 2016
Lansering av Las Vegas-mysteriet på Mathopen skole. Litt trist og litt fint med den aller siste boka i serien om Kunstdetektivene. Takk til Trond Bredesen for følget i 16 år - den beste fyren eg kunne hatt med. (Klikk på bildet for større versjon)
Knall oppslag i BA
Stas når eit takknemlig heimepublikum jublar. (Sjå der, litt sportssjargong frå meg, corner inn, to indre og vekk med den! Ein treng ikkje å slå så hardt ned på obstruksjon!)
Roma
Eg har vore i Roma mange gonger, men nyleg hadde eg min første tur som forelesar og "kulturguide" i denne fantastiske byen. Saman med Paul Otto Brunstad var vi saman med ei gruppe pedagogar frå Sogn, og drog dei gjennom nesten 800 år historie.
På Forum.
Real life og fiksjon; Trond sin illustrasjon frå "Roma-mysteriet" av Pantheon, ved Pantheon.
Eg foreleser inne i Colosseum, dette dødens teater, kor folk og dyr vart slakta i hundretusentals.
Colosseum.
Kent gir ut si aller siste plate i mai. Ein turné. Så er det slutt. Ordlaust kjipt.
Pinlig i Danmark
Romanen til Tyra og meg er nylig lansert i Danmark. Det er sannsynligvis like pinlig der som her.
Las Vegas-mysteriet
kjem plutselig til ein butikk nær deg. Bøkene er sendt frå trykkeriet no!
8 av 10 i Ungarn!
Om du les ungarsk, sjekk denne bloggen.
Topp stemning i Litauen
Når folk står i kø for å kjøpa bøker, gjeld det å signera kjapt før dei ombestemmer seg. Forlaget MMC i Vilnius inviterte meg, var rundt på universitet og skular, ambassade og bokmesse. Veldig kul by.
FEBRUAR 2016
Las Vegas-mysteriet
er klar 1. mars. Her sit bla. onkel William og David på Roy's Diner og legg opp ein cunning plan for å møta truslane frå psykoskurken Svartvik. Kul illustrasjon?
Det er Trond, ja.
Siste boka i Kunstdetektivene
kjem no til våren. Trond Bredesen tegner for harde livet. Gjett kva by det er frå, og vinn ei signert bok. Frist: 5. februar 2016. Husk postadresse!
(Illustrasjon: Trond Bredesen)
London-mysteriet
utgitt på Færøyane!
Podcast på Salongen P2
Eg snakkar om angst, tru, misunning og andre lette & morsomme tema.
Ærlighetsminuttet utgitt i Ungarn. Stor stas.
Godt nytt år frå Roma!
Eg blir litt optimistisk av dette skiltet eg fant i Trastevere.
Den fantastiske malte illusjonen av ein kuppel i St. Ignatius av Loyola-kyrkja i Roma.
.jpg)
(Reisen)
(Pionerer)
På Forum.
Real life og fiksjon; Trond sin illustrasjon frå "Roma-mysteriet" av Pantheon, ved Pantheon.
Colosseum.
